काठमाण्डौः आन्दोलनरत राष्ट्रिय कर्मचारी संगठन र प्राविधिक शिक्षा तथा व्यावसायिक तालिम परिषद् (CTEVT) बिच १२ बुँदे सहमति भएको छ । मंगलबार दुबै पक्षबिच उक्त सहमति भएसँगै राष्ट्रिय कर्मचारी संगठनले जारी राखेका चरणबद्ध आन्दोलनका सम्पूर्ण कार्यक्रमहरू स्थगित भएको हो ।
राष्ट्रिय कर्मचारी संगठन, प्राविधिक शिक्षा तथा व्यावसायिक तालिम परिषद् (CTEVT) केन्द्रिय समितिले विभिन्न मितिमा ११ बुँदे मागहरू राखी गर्दै आएको चरणबद्ध आन्दोलनका सम्बन्धमा कार्यरत कर्मचारीहरूको सम्बन्धमा मंगलबार १२ बुँदे सहमति भइ आन्दोलनका सबै कार्यक्रमहरू स्थगित भएको छ ।
CTEVT ब्यबस्थापनसँग मिति २०७५/०६/२१ र २०७६/०२/१३ गते भएको सहमतिका सम्बन्धमा कार्यान्वयन हुन नसकेका बुँदाहरूलाइ यथाशिघ्र कार्यान्वयन गर्ने, सेवा प्रवेशदेखी हालसम्म परिषदको केन्द्रिय कार्यालय भन्दा बाहिर नगएका कर्मचारीहरूलाइ तत्काल पहिलो चरणमा प्रदेश तथा शिक्षालयमा तत्काल खटाउने र बाँकीको हकमा क्रमशः बढी अवधि परिषद् कार्रयालय बसेका कर्मचारीबाट प्रदेश कार्यालय तथा शिक्षालय खटाउने लगायतका मुख्य मागहरू पुरा गर्ने सहमति भएको राष्ट्रिय कर्मचारी संगठनका अध्यक्ष तेज बहादुर खत्री बताएका छन् ।
कर्मचारी संगठनले ११ बुँदे मागहरू सहित भदौ २५ गतेदेखी प्राविधिक शिक्षा तथा व्यावसायिक तालिम परिषद् CTEVT को परिसरमा पाल तथा ब्यानर टाँगी धर्ना दिदै आएका थिए ।
आन्दोलनरत राष्ट्रिय कर्मचारी संगठन र प्राविधिक शिक्षा तथा व्यावसायिक तालिम परिषद् (CTEVT) बिच भएको १२ बुँदे सहमति जस्ताको तस्तैः
