काठमाण्डौः प्रधानमन्त्री केपी शर्मा ओलीले संघीय संसद भवनको एक समारोहका बिच शिलान्यास गर्नुभएको छ । सिंहदरबारको पुतली बगैंचामा निर्माण गरिने उक्त नयाँ भवन निर्माणको लागत करिब १० अर्ब रुपैयाँ अनुमान गरिएको छ । नयाँ भवन आगामी साँढे दुई वर्ष भित्रमा निर्माण सम्पन्न गरिने शहरी विकास मन्त्रालयले जनाएको छ ।
अन्तर्राष्ट्रिय सम्मेलन केन्द्र नयाँबानेश्वरमा २०६४ शालदेखी भाडामा बस्दै आएको संसद भवन अब २ बर्ष पछि आफ्नै हुने भएको छ । सहरी विकास मन्त्रालयले सिंहदरबारको निर्माण गरिने संसद भवनको डिजाइन समेत सार्वजनिक गरेको छ ।
शिलान्यास कार्यक्रममा सभामुख कृष्णबहादुर महरा, राष्ट्रिय सभाका अध्यक्ष गणेशप्रसाद तिमिल्सिना, उपप्रधान एवं रक्षामन्त्री ईश्वर पोख्रेल, शहरी विकास मन्त्री मोहम्मद इश्तियाक राई, विभिन्न मन्त्रालयका मन्त्री तथा सचिवहरू सशस्त्र प्रहरी प्रमुख सैलेन्द्र खनाल, राष्ट्रिय अनुसन्धान प्रमुख गणेश प्रसाद अधिकारी लगायतको उपस्थिति रहेको थियो ।
नयाँ निर्माण गरिन लागेको संघीय संसद भवनको तश्विर
