काठमाडौः प्रतिनिधी सभाका सभामुख कृष्णबहादुर महरा युरोसियन मुलुकका सभामुखहरुको बैठकमा सहभागी हुन कजाकस्तान प्रस्थान गरेका छन् । सभामुख महरा ६ सदस्यीय प्रतिनिधि मण्डलको नेतृत्व गर्दै शनिबार बिहान सवा आठ बजे टर्किस एयर TK-727को बिमानबाट टर्कीको राजधानी स्तानबुल हुदै कजाकस्तानतर्फ प्रस्थान गरेका हुन् ।
यही असोज ५ देखी ८ गतेसम्म कजाकस्तानको अस्तानामा हुने युरेसियन देशका संसदका सभामुखहरुको चौथो बैठक (Fourth Meeting of Speakers of the Eurasian Countries’ Parliaments) मा महराले सम्बोधन गर्ने कार्य्रक्रम रहेको छ ।
६ सदस्यीय प्रतिनिधि मण्डलमा सत्तारूढ लगायत प्रतिपक्ष दलका सांसदहरू मानबहादुर विश्वकर्मा, राधा ज्ञवाली र अमृतादेवी अग्रहरि, संघीय संसद सचिवालयका प्रमुख लेखा नियन्त्रक बसन्तराज सिग्देल र सभामुखका स्वकीय सचिव डोरबहादुर पुन सहभागी रहेका छन् ।
यसैगरी कजाकस्तानका लागि नेपाली महावाणिज्यदूत बरुण चौधरी र प्रतिनिधि सभा सदस्य विनोद चौधरी पनि प्रतिनिधि मण्डलमा सहभागी हुनेछन् । उक्त टोलीलाइ त्रिभुवन विमानस्थलको अति बिशिष्ट कक्षमा संघीय संसदका निमित्त महासचिव गोपालनाथ योगी लगायतको टिमले बिदाइ गरेको थियो ।
