वीरगन्ज । लागू औषध दूव्र्यसनीमा आकर्षित कारोवारी र प्रयोगकर्ताले दिनरात तयारी अवस्थाको लागु औषध नेपाल भित्र्याउने क्रम सीमावर्ती ईलाकामा नौलो थिएन । हुँदा–हुँदा छिमेकी मुलुकबाट कारोवारमा सम्लग्न केही श्रीमान्–श्रीमती नै तयारी अवस्थाको लागु औषध बोकेर नेपाल छिर्न थालेको भेटिनु चाही अलि नौलो भएको हो ।
तयारी अवस्थाको लागु औषध खपत गर्न श्रीमान–श्रीमती नै नेपाली भूमिसम्म आउन उद्धत्त हुनु सामान्य कुरा नभएको स्थानीय बुद्धिजिबीहरुको भनाइ छ । वैदेशिक रोजगारीमा जान नसकेका र छुटेका युवाहरुलाई यो तहसम्मको हर्कतले कहाँसम्म पु¥याउँछ ? उनीहरुले भन्न कठिन भएको तर्क गरे ।
लागु औषधको कारोवार र प्रयोगको लतमा फसेका नेपालीहरु नै सीमा उपार भारतीय बजारसम्म पुगी तयारी अवस्थाको लागु औषध लुकाई छिपाई पैठारी गर्दै व्यापक संजाल खडा गरिसकेका छन् । यसै बीचमा उताका कारोवारी पनि श्रीमान्–श्रीमती युगल नै नेपाली भूमिमा प्रतिवन्धित लागु औषध सहित भेटिनु राम्रो संकेत नभएको पर्सा प्रहरीको पनि भनाइ छ । यो वडो बिडम्वना भएको सीमावर्ती इलाकामा ड्यूटिमा खटेका सुरक्षाकर्मीले पनि बताए ।
गएको बिहिबार यस्तै तथ्य सीमावर्ती वीरगन्ज महानगरपालिका वडा नम्बर १६ मा फेला परेको हो । ठूलो परिणामको तयारी अवस्थाको लागु औषध खपत गर्न नेपाल छिरेको त्यो युगल जोडी मुलुकको प्रमुख भन्सार नाका अगाडी सामान सहित पक्राउ परे । उनीहरुले नेपाली सुरक्षाकर्मीलाई यत्तिकै झुक्याउन सकिन्छ भनी सेतो बोराभित्र ४ हजार ५ सय ४ पीस ‘थ्रोमा ५०’ लेखिएको तयारी अवस्थाको लागु औषध ट्याव्लेट ल्याएका रहेछन् पर्साका प्रहरी नायव उपरिक्षक दीपक भारतीले बताए । दशी नै फेला परेपछि उनीहरुलाई पर्सा प्रहरी कार्यालयमा ल्याई अनुसन्धानमा लागेको उनको भनाइ छ । प्रहरी नियन्त्रणमा परेका कारोवारी महिला पुरुषदुवै श्रीमान–श्रीमती रहेछन् उनले भने ।
भारतबाट नेपाल तर्फ शंकास्पद तवरले आउँदै गरेका उनीहरुलाई सीमामा खटेका प्रहरीले रोकेर रीत पु¥याई खानतलासी लिंदा बोरा भित्र (च्इज्ःब् छण्) लेखिएको १० ट्याव्लेटको ४ सय ४८ पत्ता र काटेको २४ पिस गरी कुल ४ हजार ५ सय ४ पीस लागु औषध ट्याबलेट बरामद भएको पर्साका प्रहरी प्रवक्ता समेत रहेका प्रहरी नायव उपरिक्षक भारतीले बताए । लागु औषध सहित पक्राउ परेका अभियुक्त धुरेन्द्र राम र मधु देवी दुवै भारतको विहार जिल्ला मोतिहारी सकराहा थाना वडा नं.९ का वासिन्दा रहेछन् । उनीहरु श्रीमान–श्रीमती पनि रहेछन् पर्सा प्रहरीले जनाएको छ ।
महिला त्यसमा पनि श्रीमान श्रीमती नै यसरी तयारी लागु औषध कारोवारमा संलगन भेटिनु सुरक्षाकर्मीको आँखा छल्न सहज हुने अपेक्षा हुन सक्ने पर्साका प्रहरी उपरीक्षक कुमोद ढुंगेलले बताए । सीमाका प्रहरीले पछिल्लो समय दैनिक जसो लागु औषध कारोवारी र प्रयोगकर्ता पक्राउ गरिरहेको छ । प्रहरीले सुरक्षाका अन्य कामभन्दा पनि लागु औषधसँग सम्बन्धीतकै अगाडी पछाडी पर्नु पर्ने चुनौति हरेक दिन थपिएको उनको तर्क छ ।
यो शैलीले समाज कता पुग्छ ? भन्ने चिन्ता बढेर गएको प्रहरी उपरीक्षक ढुंगेलले बताए । सीमामा महिला पुरुष सहित हिड्नेको ताँती हुन्छ । यसै क्रममा उस्तै हाउभाउमा हिड्दा कम शंका गर्ने र सहजै गन्तव्यमा पुग्न सकिने कारोवारीको ठम्याई हुन सक्छ । तर उनीहरुको हुलिया र शैलीले प्रहरीले झन चाडो चिन्ने हुँदा कारोवारी र प्रयोग कर्ताले अपेक्षा गरे जस्तो सहज त छैन पर्साका प्रहरी प्रमुख समेत रहेका प्रहरी उपरीक्षक ढुंगेलले बताए । यो जालो तोड्न सुरक्षाकर्मीसँगै समाज नै जुरुक्कै उठ्न पर्ने उनको सुझाव छ ।
