शेयर गर्नुहोस:
फन्ट परिवर्तन गर्नुहोस:
अ
अ
अ
काठमाण्डौः भारत-पाकिस्तानको सिमावर्ती क्षेत्र जम्मु काश्मिरमा ५.८ रेक्टर स्केलको भूकम्प जाँदा कम्तीमा १९ जनाको ज्यान गएको र तीन सय भन्दा बढी मानिस घाइते भएका छन् । पाकिस्तान प्रशासित कश्मीरको मिरपुर शहर नजिकै भूकम्पको केन्द्रविन्दु रहेको बताइएको छ ।
पाकिस्तानको इस्लामावाद सहित पेशावर, रावलपिन्डी, लाहोर लगायतका मुख्य शहरहरूमा भूकम्पले क्षति पुर्याएको छ । यस्तै, भारतको राजधानी दिल्लीसहित पञ्जाव, हरियाणा लगायतका विभिन्न क्षेत्रमा भूकम्पको धक्का महसुस गरिएको थियो ।
सामाजिक सञ्जालमा सडक चिरा परेका र घर भत्किएका तस्वीर भाइरल भइरहेका छन् । तस्वीर देख्दा ठूलै क्षति भएको अनुमान गर्न सकिन्छ । यद्दपी क्षतिको थप तथ्यांक आउने क्रममा रहेको बताइएको छ ।
