काठमाण्डौ: (युएई) दुबईमा बस दुर्घटनामा परि ६ जना नेपाली नागरिकको मृत्यु भएको अन्तर्राष्ट्रिय समाचार माध्यमले जनाएका छन् ।
यूएईस्थित नेपाली दूतावासले दिएको जानकारी अनुसार सोमबार फर्स्ट सेक्युरेटी कम्पनिको कामदार बोकेको बस दुबईको सडकखण्डको लरीमा ठोक्किएर दुर्घटनाग्रस्त भएको थियो ।
मृत्यु हुनेमा एक पाकिस्तानी र एक भारतीय नागरिक गरि ६ जना नेपाली रहेका छ्न । मृत्यु हुनेमा नेपालीहरु रमेश चौधरी, दानबहादुर सत्याल, कृष्णबहादुर पुन, नारायणप्रसाद पोखरेल, दीपक विक र नयराम साउद रहेको दूतावासले जनाएको छ ।
उनीहरुको नेपालमा भएको ठेगाना भने खुलेको छैन । घाइते ५ जना भारतीय र १ जना बंगलादेशी मुलुकका नागरिक रहेका छन् । ती मध्य चार जना घाइतेको अवस्था गम्भीर रहेकोले उपचारको लागि दुबईको रसिद अस्पतालमा पुर्याइएको दुबई प्रहरीले जनाएको छ ।
दुर्घटनामा ज्यान गुमाउनेहरुको बारेमा थप जानकारी लिने प्रयास भैरहेको राजदुतावासले जनाएको छ ।
