काठमाण्डौं: सिंगापुरको ईण्डियन एसोसिएसन क्रिकेट मैदानमा मंगलवारबाट जारी भएको त्रिकोणात्मक टी-२० सिरिज अन्तर्गत जिम्बाब्वेसँगको दोस्रो खेलमा नेपाल पुनः ४० रनले पराजित भएको छ ।
टस हारेर ब्याटीङ्ग गरेको जिम्बाब्बेले निर्धारित २० ओभरमा ६ विकेट गुमाउँदै नेपाल समक्ष १६० रनको लक्ष्य पस्केको थियो । नेपालको तर्फबाट सन्दिप लामिछानेले जिम्बाब्वेले खाता नखोल्दै विकेट लिएका थिए । जिम्बाब्वेका ओपनर ब्रायन चारीलाई सन्दिपले खाता खोल्न नपाउँदै आउट गराए ।
पहिलाको खेलमा जस्तै यो पटक पनि नेपालको सुरुवाति खेल राम्रो हुन सकेन । खेलमा कप्तान पारस खड्कासँग ओपनिङमा आएका पवर्न शर्राफ विना स्कोरमा मैदान बाहिरीनुपर्यो । दोस्रो विकेटमा दीपेन्द्रसिंह ऐरी, तेस्रो विकेटमा कप्तान पारस खड्का ४ र १२ रन जोडदै मैदान बाहिरीनु पर्यो ।
नेपालका लागि आरिफ शेखले २५ रन र कुशल मल्ललाई ६२ रन हुँदा जिम्बाब्बेले आउट गरायो । सोमपाल कामी ७ रनमा तथा सुसन भारी आउट हुँदा नेपालले ९ विकेट गुमाउदै ११५ रन बनाउन सफल रहेको थियो । यसैगरी सन्दीप लामिछाने र अविनाश बोहराले ५ र ३ रनमा नट आउट रही नेपाल निर्धारीत २० ओभरमा १२० रनमै सिमित रहन पुग्यो ।
