काठमाण्डौः सत्तारूढ नेपाल कम्युनिष्ट पार्टी (नेकपा)को युवा संगठनले पूर्णता पाएको छ । पूर्णता पाएसँगै राष्ट्रिय युवा संघ नेपालले ३ सय ३१ सदस्य रहेको नयाँ केन्द्रिय समिति सार्वजनिक गरेको हो ।
वाइसिएलका नेपाल र युवा संघ नेपाल बीच एकता भई बनेको राष्ट्रिय युवा सङ्घ नेपालको संगठनात्मक एकता प्रक्रियाका बारेमा यही असोज १५ गते संगठनका इन्चार्ज महेश बस्नेतको उपस्थितिमा बसेको बैठकले चयन गरेका निर्णयहरु सार्वजनिक गरेको हो ।
तत्कालिन एमाले निकट युवा संघ नेपालबाट १७९ जना तथा माओबादी केन्द्र निकट वाइसिएल (YCL) नेपालबाट १५३ जना चयन गरी नयाँ केन्द्रिय समितिले पूर्णता पाएको छ ।
एकतापछी गठन भएको राष्ट्रिय युवा संघ नेपालका संयोजक राम प्रसाद सापकोटा ‘दीपशिखा’ र सह संयोजक रमेश कुमार पौडेलले शनिवार संयुक्त प्रेश विज्ञप्ती जारी गरी ३ सय ३१ सदस्यीय केन्द्रिय समिति चयन गरेको सार्वजनिक गरेका थिए ।
उक्त विज्ञप्ती अनुसार रिक्त हुन आएको ३ सदस्य साविक वाइसिएलले पछि मनोनित गर्ने बताइएको छ ।
साथै संगठनको पारित केन्द्रीय समितिको बैठकले कात्तिक १८ र १९ केन्द्रिय समितिको बैठक आव्हान गरेको छ भने २० र २१ गते राष्ट्रिय भेलाको समेत आयोजना गरिएको विज्ञप्तीमा उल्लेख गरिएको छ ।
साथै युवा संघले जारी गरेको केन्द्रिय समितिको नामावली सहितको विज्ञप्तीः
