काठमाण्डौं : यौन दुर्व्यवहारको आरोप लागी सभामुख पदबाट राजीनामा दिएका कृष्णबहादुर महरालाई जबरजस्ती करणीको उजुरी दर्ता भएको छ ।
पीडित महिला रोशनी शाहीले शुक्रबार सभामुख महराविरुद्ध नयाँ बानेश्वर प्रहरी वृत्तमा जबरजस्ती करणी उद्योगमा उजुरी दिदै किटानी जाहेरी दिएकी छिन ।
गत आईतबार राति महराले आफूलाई बलात्कार गरेको भन्दै हाम्राकुरा अनलाईन मार्फत एक्कासि मिडियामा आएकी शाहीले घटना भएको छैटौं दिनमा बानेश्वर प्रहरी वृत्तमा उजुरी दर्ता गराएकी हुन् ।
प्राविधिक अनुसन्धान गर्दा प्रहरीले सभामुख महरा आइतबार रोशनीको कोठामा गएको पुष्टि गरेको छ ।
यसअघि आसोज १६ गते रोशनी र उनका श्रीमानले सम्बन्ध विच्छेद गरेको पत्र समेत बाहिरिएको थियोे ।
प्रहरीका अनुसार सभामुख महरा आईतबार बेलुकी निज रोशनी शाहिको कोठामा गएदेखि निवासमा फर्किएसम्मको सीसीटीभी फुटेज प्रहरि फुटेज प्रमाण रहेको छ ।
गृहमन्त्री रामबहादुर थापा ‘बादल’ले आईजीपीसहितको बैठक बोलाएर शुक्रबार महरा प्रकरणको रिपोर्ट समेत मागेका थिए ।
सो बैठकमा सहभागी एक अधिकारीका अनुसार गृहमन्त्रीले अनुसन्धान प्रक्रियामा कुनै कसर बाँकी नराख्न निर्देशन दिएको बताईएको छ ।
साथै सो बैठकमा गृहमन्त्री बादलले निष्पक्ष अनुसन्धानमा कसैसँग डराउनु पर्दैन भन्दै निर्धक्क भएर अनुसन्धान गर्न निर्देशन दिएका थिए ।
प्रहरीका अनुसार रोशनीले उजुरी दर्ता गरेपछि सभामुख महरालाई पक्राउ गर्ने प्रक्रिया अघि बढने बताए ।
आईतबार २० गते अदालतबाट पक्राउ पुर्जी लिने तयारी भएको समेत प्रहरी स्रोतले उल्लेख गरेको छ ।
