काठमाण्डौ: नेपाली सेनाले सैनिक मञ्च टुँडिखेलमा परम्परा अनुसार फूलपाती बढाइँ समारोहको आयोजना गरेको छ ।
काठमाडौंको बसन्तपुरस्थित दसैंघरमा बडा दसैंको सातौं दिन फुलपाती भित्र्याएपछि सैनिक मञ्च टुँडिखेलमा एक विशेष समारोहका बीच फुलपातीको हर्षबढाई गरेको छ ।
राष्ट्रपतिको स्वागतमा नेपाली सेनाले सलामी अर्पण गरि सदा झैं यो बर्षपनि सैनिक मञ्च टुँडिखेलमा हर्ष बढाइँ गरेको हो ।
समारोहमा राष्ट्रपति विद्यादेवी भण्डारी, प्रधानमन्त्री केपी शर्मा ओली, प्रधानन्यायाधीश चोलेन्द्र शमशेर जबरा, राष्ट्रियसभाका अध्यक्ष गणेशप्रसाद तिमिल्सिना, उपप्रधानमन्त्री, मन्त्रीहरु, संवैधानिक निकायका प्रमुखहरु, नेपाल सरकारका उच्चपदस्थ अधिकृत, नेपालस्थित कूटनीतिक नियोगका प्रमुख एवं प्रतिनिधि, सुरक्षा निकायका प्रमुख तथा विभिन्न पेशाका प्रतिनिधिको उपस्थिति रहेको थियो ।
उक्त समारोहमा नेपाली सेनाले इज्जत अर्पण कवाज, राइफल र तोपका साथमा मार्चपास सहित विभिन्न कौशल प्रर्दशन गरेको थियो ।
त्यसअघि वडादसैँको सातौँ दिन गोरखाबाट ल्याइएको फुलपाती हर्षोउल्लासका साथ विधिपूर्वक काठमाडौँको हनुमानढोकास्थित दसैँ घरमा शुभसाइतमा भित्र्याइएको थियो ।
