शेयर गर्नुहोस:
फन्ट परिवर्तन गर्नुहोस:
अ
अ
अ
काठमाण्डौः इराकमा केही दिन यता भइरहेको सरकार विरोधी प्रदर्शनहरूमा ज्यान गुमाउनेको संख्या बढ्दै गएकोप्रति संयुक्त राष्ट्रसंघले चिन्ता व्यक्त गरेको छ ।
प्रदर्शनको क्रममा ज्याउन गुमाउनेको संख्या झण्डै १०० पुगेको अवस्थामा राष्ट्रसङ्घबाट त्यस्तो अभिव्यक्ति आएको हो ।
प्रदर्शनकारीहरूले देशमा व्याप्त भ्रष्टाचार, बेरोजगारी र कमजोर सार्वजनिक सेवाविरुद्ध आफूहरूले अडान लिएको विभिन्न सञ्चारमाध्यमहरूले बताएका छन् ।
इराकका लागि राष्ट्रसङ्घीय सहायता अभियानकी प्रमुख जानिन हेनिस प्लेसचार्टले पाँच दिन यता झण्डै १०० जनाको मृत्यु र घाइते हुन थालेको भन्दै चिन्ता ब्यक्त गरिन र भनिन् यो तत्काल रोकिनुपर्छ ।
साथै उनले हत्याका लागि जिम्मेवार व्यक्तिलाई कानुनको परिधिमा ल्याइनुपर्ने बताएकी थिइन् ।
