काठमाण्डौ: तालिबानी समुहले अमेरिकामाथि आक्रमणको प्रयास जारी राख्ने भएको छ ।
तालिबान लडाकु समूहका प्रवक्ता जबी उल्लाह मुजाहिदले सरकारको अनुरोधमा काबुल प्रशासनसँग वार्ता नगर्ने बताउदै अमेरिकासँग शान्ति सम्झौता नभएसम्म सेनामाथि हमला नरोक्ने खबर अन्तर्राष्ट्रिय समाचार माध्यमहरूले जनाएका छन् ।
संयुक्त राज्य अमेरिका र तालिबानबीच गत महिना काबुलमा भएको बम विष्फोटमा एक अमेरिकी सैनिकको मृत्यु भएपछि शान्ति बार्ता हुन सकेको छैन ।
हाल तालिवान र पाकिस्तानबीच शान्तिका लागी नयाँ वार्ताको प्रयास भइरहेको छ, यद्दपी अफगान सरकारले उनीहरूलाई समर्थन गरेको छैन ।
अफगानिस्तानको काबुलमा अमेरिकी कर्मचारीको मृत्यु भएपश्चात् अमेरिकी राष्ट्रपति डोनाल्ड ट्रम्पले सेप्टेम्बरको शुरुमा अकस्मात, एकतर्फी रूपमा वार्ता अवरूद्ध भएको घोषणा गरेका थिए ।
पाकिस्तानी स्रोतका अनुसार पाकिस्तानका विदेशमन्त्री शाह महमूद कुरेसीलाई उनको मन्त्रालयमा शान्ति वार्ता पुनः आरम्भ गर्ने विषयमा छलफल समेत भएको तालिवान राजनीतिक आयोगको प्रतिनिधिमण्डलहरूले जनाएको थियो।
