काठमाण्डौ: सिरियाबाट अमेरिकी सेना फिर्ता भएपछि टर्कीले सिरियामा आफ्नो सेना पठाएको छ ।
कुर्दिस सेनाको बाहुल्य रहेको सिरियाको उत्तर-पूर्वी क्षेत्रमा टर्कीबाट सैनिक ट्याङ्क सहित त्यहाँको सीमा क्षेत्रमा टर्की सेना पठाएको अन्तराष्ट्रिय सञ्चारमाध्यामले जनाएका छन् ।
तर अमेरिकी राष्ट्रपति डोनाल्ड ट्रम्पले भने कुर्दिस सेनामाथि आक्रमण भयो भने टर्कीको अर्थतन्त्र तहसनहस पारिदिने चेतावनी दिएका छ्न् ।
सिरियाबाट अमेरिकी सैनिक फिर्ता बोलाउने ट्रम्पको निर्णयको फाइदा उठाउदै कुर्दिसमाथी आक्रमण गरेमा सहन नसकिने ट्रम्पले भनेपनि बेवास्ता गर्दै टर्कीले सिरियामा आफ्ना सैनिक पठाएको बताइएको छ ।
इस्लामिक स्टेट आईएसलाई हराउन अमेरिकाले कुर्दिस सेनालाई सहयोग गर्दै आइरहेको छ ।
उता टर्कीले भने सिरियामा अमेरिकी हस्तक्षेप भएकोले कुर्दिस सेनामाथि आक्रमण गर्न आईएसलाई सहयोग गर्दै आएको अन्तर्राष्ट्रिय सञ्चारमाध्यमहरुले जनाएका छ्न ।
