काठमाण्डौः सर्वोच्च अदालतले नेत्रविक्रम चन्द विप्लव नेतृत्वको नेकपाका कोशी ब्यूरो संयोजक एवं ब्यूरो सदस्यलाई थुनामुक्त गर्न आदेश दिएको छ ।
सर्वोच्चका न्यायाधीशद्धय अनिल कुमार सिन्हा र सुष्मालता माथेमाको संयुक्त ईजलासले विप्लवका कोशी ब्यूरो संयोजक एवं काठमाडौं स्थित रेडियो मिर्मिरेका पूर्व अध्यक्ष तथा तत्कालीन माओवादीका ब्यूरो सदस्य समेत रहेको घनश्याम श्रेष्ठ ‘पुष्कर’ लाई थुनामुक्त गर्ने आदेश दिएको हो ।
सर्वोच्चले घनश्याम श्रेष्ठ ‘पुष्कर’ लाई उनीमाथि लगाइएको संगठित अपराधको अभियोग पुष्टि हुन नसकेको भन्दै बुधबार साँझ रिहा गर्न आदेश दिएको थियो ।
‘पुष्कर’ रिहा भए लगत्तै सर्बोच्च अदालतको गेट बाट बुधबार साँझ पाँच बजे पुनः प्रहरीले पक्राउ गरी महानगरिय प्रहरी बृत सिंहदरबारमा राखेको प्रहरीले जनाएको छ ।
विप्लव समुहका नेता गत चैत १० गते आइतबार राति सुनसरी–मोरङ क्षेत्रबाट गिरफ्तारमा परेका थिए । उनीहरुलाई विभिन्न अभियोगमा अनुसन्धानका लागी भन्दै प्रहरीले करिब ६ महिना यता हिरासतमा राख्दै आएको थियो ।
