काठमाण्डौ: मन्त्रिपरिषद् बैठकले त्रिभुवन विश्वविद्यालयको उपकुलपतिमा डा. धर्मकान्त बाँस्कोटालाई नियुक्त गर्ने निर्णय गरेको छ ।
त्रिभुवन विश्वविद्यालयका कुलपति एवं प्रधानमन्त्री केपी शर्मा ओलीले आइतबार त्रिविको १९ औं उपकुलपतिमा बाँस्कोटालाई नियुक्त गर्ने निर्णय गरेको प्रधानमन्त्री तथा मन्त्रिपरिषद्को कार्यालयले जनाएको छ ।
मन्त्रिपरिषद्को कार्यालयका अनुसार उपकुलपति बास्कोटाको सोमबार नियुक्ति पत्र बुझेर पदवहाली हुने कार्यक्रम रहेको बताइएको छ । डा. बाँस्कोटा राष्ट्रपति विद्यादेवी भण्डारीका निजी चिकित्सक समेत हुन् ।
शिक्षा विज्ञान तथा प्रविधीमन्त्री गिरिराजमणि पोखरेलको अध्यक्षतामा गठित सिफारिश समितिको बैठकले उपकुलपतिमा बाँस्कोटाको नाम दुई नम्बरमा सिफारिस गरेको थियो ।
डा. बास्कोटा यसअघि नेपाल मेडिकल काउन्सिलका अध्यक्ष रहेका थिए । काउन्सिलमा रहँदा डा बास्कोटाले धेरै सुधारका कामहरू गरेका थिए ।
