शेयर गर्नुहोस:
फन्ट परिवर्तन गर्नुहोस:
अ
अ
अ
काठमाण्डौ: सत्तारूढ नेपाल कम्युनिस्ट पार्टी (नेकपा)की उम्मेदवार विद्या भट्टराईले कास्की २ मा चुनावी प्रचार प्रशार सुरू गरेकी छन् ।
आफ्ना श्रीमान पुर्वमन्त्री स्वर्गीय रबिन्द्र अधिकारीको जन्मथलो भरतपोखरी पुगेर श्रीमती भट्टराईले चुनाव प्रचार सुरू गरेकी हुन् ।
बिहीवार मुख्य निर्वाचन अधिकृतको कार्यालय पुगेर उम्मेदवारी दर्ता गर्न जिल्ला निर्वाचन परिचालन कमिटीले उम्मेदवार घोषणा गर्ने कार्यक्रम रहेको छ ।
गत फाल्गुन १५ गते ताप्लेजुङमा हेलिकोप्टर दुर्घटनामा परि पर्यटनमन्त्री अधिकारीको निधन भएपछि पार्टीले उनकी पत्नी बिद्या भट्टराइलाई प्रतिनिधिसभा सदस्यको टिकट दिएको हो ।
यसैगरी कास्की–२ मा नेपाली काँग्रेसले खेमराज पौडेल, साझा पार्टीले रजनी केसी र विवेकशील नेपाली दलले जमुना शर्मालाई टिकट दिएको जनाएको छ ।
