काठमाण्डौः लामो समयपछि सलमान खानले आफ्नो अर्को फिल्म सिकन्दरको घोषणा गरेका छन् ।
जसलाई एआर मुरुगादासले निर्देशन गर्ने भएका छन् । अब साजिद नाडियाडवालाले निर्माण गरेको यो फिल्मको सुटिङको बारेमा एउटा अपडेट आएको छ । सलमानले आगामी मे महिनाबाट ‘सिकन्दर’ को सुटिङ सुरु गर्ने बताइएको छ । तर यसमा एक नयाँ कुरा छ।
मिड डे रिपोर्टका अनुसार सलमान खानको फिल्म ‘सिकन्दर’को सुटिङ लगातार हुने छैन । यसको कारण हुन, एआर मारुगादास। समाचार अनुसार ‘सिकन्दर’ सुरु गरेपछि मुरुगादासले बीचमा छिटो ब्रेक लिने छन् । ‘सिकन्दर’ बाहेक उनले आफ्नो आगामी फिल्ममा पनि काम गर्ने छन् । यो उनको तमिल भाषाको फिल्म हो, जुन उनले शिव कार्तिकेयनसँग बनाउन लागेका हुन् । जसलाई उनले यही जुलाईमा पूरा गर्नु पर्नेछ ।
त्यसैले मुरुगादासले मेमा ‘सिकन्दर’को सुटिङ गर्नेछन् । पहिलो तालिका पूरा हुनेछ। यसपछि उनले शिवकार्तिकेयनसँग अर्को फिल्ममा काम गर्नेछन् । जसको अस्थायी शीर्षक एसके २३ भनिन्छ। त्यसपछि जुनमा सम्पन्न गरेपछि मुरुगादासले जुलाई देखि फेरि ‘सिकन्दर’को काम सुरु गर्नेछन् । ‘सिकन्दर’को छायांकन भारत र युरोपमा ठूलो मात्रामा हुने भएको छ ।
सलमान खानको यो फिल्म पनि खास छ किनकी सलमानले धेरै सोचेर यो फिल्ममा काम गर्ने निर्णय गरेका हुन् । उनका पछिल्ला केही चलचित्रले टिकट विन्डोमा सोचे अनुसार कमाउन सकेका छैनन् । सलमानको पछिल्लो ब्लकबस्टर फिल्म ‘टाइगर जिन्दा है’ थियो । त्यसयता उनी टिकट विन्डोमा संघर्ष गरिरहेका छन् । ‘टाइगर ३’लाई पक्कै हिट फिल्मको रुपमा हेरिएको थियो । तर यस्तो हुन सकेको छैन ।
अब ‘सिकन्दर’ बाट सलमानले बक्स अफिसमा फेरि प्रभुत्व जमाउने अपेक्षा गरिएको छ । यो फिल्मको बजेट ४ सय करोड भारु रहेको बताइएको छ । मुरुगादास लामो समयदेखि सलमानसँग काम गर्न चाहन्थे । त्यो अहिले मात्र आएर सम्भव भएको हो । साजिद नाडियाडवालाले यसलाई आफ्नो प्रोडक्सनको सबैभन्दा ठूलो र महत्वाकांक्षी फिल्मको रुपमा निर्माण गरिरहेका छन् । यसलाई एक्शन थ्रिलर फिल्मको रुपमा व्याख्या गरिएको छ ।
साजिद र टिम सन् २०२४ को अन्त्यसम्म फिल्मको छायांकन पूरा गर्न चाहन्छन् । जसले गर्दा उनीहरूले पोस्ट प्रोडक्सनको लागि ३–४ महिना समय पाउँछन्। ‘सिकन्दर’ सन् २०२५ को इदमा हलमा रिलिज गरिनेछ ।
