काठमाण्डौः इरानले कब्जामा लिएको एमएसी एरिज जहाजबाट पाँच भारतीय नागरिकलाई रिहा गरेको छ।
इरानस्थित भातीय दूतावासका अनुसार ती पाँच भारतीय नागरिकलाई आज साँझ इरानबाट भारत पठाइनेछ। इरानको नौसेनाले १३ अप्रिलमा भारत आउँदै गरेको कार्गो जहाज एमएसी एरिज कब्जा गरेको थियो।
बीबीसी हिन्दीका अनुसार जहाजमा २५ जना चालक दलका सदस्य थिए। जसमध्ये १७ भारतीय नागरिक थिए। इजरायलसँग जारी तनावका बीच इरानले यो कदम चालेको हो। यो जहाजका मालिक इजरायली व्यापारी हुन्।
जहाजको चालक दलमा एक मात्र महिला क्याडेट एन टेसा जोसेफ पनि थिइन्। उनलाई भने जहाज नियन्त्रणमा लिएको केही दिनपछि नै रिहा गरिएको थियो।