काठमाण्डौंः सरकारले आज कोभिड -१९ भाइरसविरुद्धको ‘कोभिशिल्ड’ खोप अभियान शुभारम्भ गरेको छ। आज बिहान साँढे १० बजे प्रधानमन्त्री केपी शर्मा ओलीले प्रधानमन्त्रीको सरकारी निवास बालुवाटारबाट भर्चुअल विधिबाट खोपको शुभारम्भ गरेका हुन्।
शुक्रराज ट्रपिकल तथा सरुवा रोग अस्पतालका निर्देशक डा. सागर राजभण्डारीले खोप लगाएर सुरुवात गरेका छन् । यस अस्पतालमा करिब ४ सय जनालाई कोभिड–१९ विरुद्धको पहिलो खोप लगाइने जनाइएको छ। निर्देशक राजभण्डारीले खोप लगाएर सुरु गरेसँगै उक्त खोप अन्य स्वास्थ्य कर्मचारीहरुलाई पनि लगाउन शुरु भएको छ । फायल तश्विर/ नागरिक

