काठमाण्डौः शिवरात्रिको पूर्व सन्ध्या पारेर संस्कृत भाषामा तयार पारिएको एउटा नयाँ भजनको म्यूजिक भिडियो सार्वजनिक भएको छ ।
‘काल भैरव अष्टकम’ शीर्षकको उक्त भजनको भिडियोलाई शंकर अधिकारी ‘घायल’ ले निर्देशन गरेका छन् । निर्देशक घायलका अनुसार नेपालमा संस्कृत भाषामा यसअघि भजन बनेको पाइएको छैन ।
निर्भाना प्लसको प्रस्तुतिमा गायिका नित्याशिवा तथा गायक राजन श्रेष्ठको स्वरमा तयार भएको उक्त भजनको भिडियो सुपक अधिकारी अफिसियल युट्युब च्यानलबाट सार्वजनिक गरिएको हो । बाबुल गिरीको संगीत र संगीत संयोजन रहेको यो भजनका शब्दहरू सुपक अधिकारीले संकलन गरेका हुन् ।
भजनको भिडियोमा केशव अधिकारीको छायांकन , नरेश खरेलको श्रृंगार रहेको भजनलाई प्रकाश श्रेष्ठले रेकर्ड गरेका हुन् भने राजिव शाहको मिक्सिङ र मास्टरिङ रहेको छ ।
यो भिडियोको सम्पादन कोचे मल्टिमियाका प्रेम शर्मा पौडेलले गरेका हुन् ।
